Kisa Règleman sou Afektasyon Selon Kay la (HBAP) ye?

 

Lekòl Piblik Boston (BPS) yo, tankou anpil lòt distri lekòl iben, itilize yon règleman afektasyon lekòl—olye de yon règleman nan katye—pou detèmine kote elèv yo prale lekòl. Li enpòtan pou konprann ke lè ou enskri timoun ou an pou BPS, yo pa nesesèman garanti yo prale nan yon lekòl ki sitiye nan "katye" ou a. 

Chanje pou HBAP

Sistèm aktyèl la, ki rele Règleman sou Afektasyon Selon Kay (HBAP) te anvigè depi ane lekòl 2014-2015. Sistèm sa a ranplase ansyen règleman BPS la ki rele 3-Z, kote yo te divize vil Boston an twa zòn diferan. Nan ansyen modèl afektasyon 3-Z la, elèv yo te sèlman kalifye pou ale nan lekòl ki nan zòn nan kote yo te rete. 

Dapre BPS, HBAP ap eseye balanse ki distans elèv ak fanmi yo dwe vwayaje pou ale lekòl, pandan y ap eseye asire tout elèv nan tout vil la gen aksè a bon jan kalite lekòl.

Imaj koutwazi Lekòl Piblik Boston yo.

 

Kijan BPS Asiyen Elèv yo avèk HBAP

Yo asiyen elèv yo nan lekòl yo avèk yon algorit enfòmatik BPS devlope. 

1. Lè w ap enskri timoun ou an pou BPS, algorit la konsidere adrès lakay ou ak kalite lekòl ki pi pre lakay ou. Si ou gen yon frè/sè ki deja nan yon lekòl, w ap jwenn preferans epi timoun ou an gen plis chans pou li tonbe nan menm lekòl ak frè/sè a. 

2. Fanmi yo jwenn yon "panye chwa" lekòl pou chak elèv. 

3. Fanmi yo klase preferans lekòl yo apati panye chwa yo a. 

4. Si pa gen ase plas nan yon lekòl pou chak elèv ki vle patisipe, admisyon pou plas sa yo detèmine atravè yon tiraj aleyatwa. Ankò, frè/sè yo gen preferans nan tiraj sa men ou dwe toujou enskri chak timoun apa, ak alè.

Sof si pitit ou a gen yon frè/sè ki pi gran, pa gen okenn garanti ke y ap mete li nan lekòl ou vle. Nou ankouraje tout fanmi yo bati pwòp panye chwa yo ki konsidere tout opsyon lekòl ou an. Klike isit la a pou lanse zouti School Finder nouan.

 

Konsiderasyon Espesyal

Edikasyon Espesyal ak Elèv k ap Aprann Pale Anglè (ELL)

Nan kèk ka, si yon elèv bezwen sipò Edikasyon espesyal oswa sèvis pou Elèv k ap Aprann Lang Anglè (ELL), distri a pral mete yo dirèkteman nan yon lekòl avèk pwogram ki ka satisfè bezwen sa yo, andeyò pwosesis lotri jeneral la. Gade gid resous Edikasyon Espesyal ak Elèv k ap Aprann Lang Angle pou jwenn plis enfòmasyon.

Priyorite Frè/Sè

Si ou gen yon timoun ki pi gran nan yon lekòl BPS epi vle timoun ou an ki pi piti a antre nan menm lekòl la, BPS bay preferans pou frè/sè. Lè sa a, ou vreman gen plis chans ke timoun ou an ki pi jèn nan pral ale nan menm lekòl la tankou frè/sè ki pi gran yo. 

Aksepte yon plas

Enskri pou BPS, antre nan tiraj lekòl piblik endepandan yo epi aplike pou lekòl prive yo pa egzije ou pou aksepte yon plas nan nenpòt lekòl yo aksepte ou a. Ou kapab aksepte ak refize plas yo ofri bay timoun ou an nan chak pwosè, san penalite. Poutèt sa, Boston School Finder ankouraje fanmi yo pou konsidere tout opsyon lekòl disponib yo: ou ka toujou refize yon plas ou resevwa men ou pa ka refize yon plas ou pa genyen.