Sida Loo codsado Bakhtiyaa-nasiibka Barnaamijka METCO

 

• Si aad ugu soo dejisato macluumaadkaan oo ku qoran afkaaga hooyo, isticmaal baraawsarkaaga si aad ugu daabacdo boggan.
• Booqo Xogteena Buuxda ee Qalabka Diiwaangelinta Dugsiga e Qoysaska  

Halkaan guji si aad u codsato bakhtiyaa nasiibka METCO qaab oonleen ah.

 

Waa maxay METCO?

Ujeedada ay dowladdu maalgaliso Barnaamijka METCO (Golaha Magaalada ee Fursadaha Waxbarasho) waa in la ballaariyo fursadaha waxbarasho, si loo kordhiyo kala duwanaanta, lana yareeyo go'doomin jinsiyadeed iyada oo loo oggolaado ardayda ka soo jeeda Boston inay dhigtaan dugsiyada dawliga ah ee bulshooyinka kale ee ku heshiiyay inay ka qayb qaataan.

Tan iyo markii la aasaasay, barnaamijka METCO waxa uu diiwaangaliyay tobanaan kun oo ardada Boston ah oo kasoo jeeda qowmiyadaha aan caddaanka ahayn oo kaqeybgalaya dugsiyada dagmooyinka wuxuuna siiyay fursada ardada ku nool dagmooyinkaas si ay ula kulmaan faa'iidooyinka barashada iyo ka shaqeynta goob qowmiyad ahaan iyo isir ahaan kala duwan. METCO waa barnaamijka iskaa wax uqabo ee ugu weyn dugsiyada dalka.

Qof kasta oo daggan Boston oo gala xanaanada ilaa 10 fasalka hoose ayaa codsan kara in laga diiwaangaliyo METCO, oo ogolaanshiyaha barnaamijkana waxaa lagu go'aamiyaa qaab ah bakhtiyaanasiib. Waxaa jira dhowr bakhtiyaanasiib sannadka oo dhan, qoysaskuna waxaa lagu dhiirrigeliyaa inay codsadaan sida ugu dhakhsiyaha badan ee ay awoodaan.  

Wixii macluumaad dheeraad ah oo kusaabsan codsiga, bakhtiyaanasiibka, iyo dagmooyinka dugsiyada dadweynaha ee ka qaybgalaya, fadlan booqo shabakada METCO.

Su'aalaha Badanaa La Is Weydiiyo ee la xariira METCO

 

Waa maxay taariikhda METCO sideese loo maalgeliyaa barnaamijka?

Sanadkii 1965, Sharciga Guud ee Massachusetts Cutubkiisa 76, Qeybta 12A ayaa siiyay gudiyada dugsiyada ee magaalada iyo degmooyinka xaqa ah inay "gacan ka gaystaan baabi'inta isir takoorka" iyo "kala saraynta isirada" ayagoo galinaaya carruurta meel kale dagan dugsiyadooda. "Kala soocida isirka" waxaa lagu qeexaa inay dhacdo markay dadweynaha dugsiga ay in ka badan 70% yihiin cadaan.

METCO, Inc. (HQ) ayaa ahaa adeeg bixiyaha meelayntaan tan iyo 1966 baarlamaanka gobalka ayaana qoondeeyay maalgalin sannad kasta. Deeqaha waxaa intaas kadib maamusha Massachusetts Department of Elementary and Secondary Education (Waaxda Waxbarashada Hoose iyo mida Sare ee gobalka Massachusetts). Degmooyinku waxay sidoo kale helayaan maal galinta cutubka 70 oo la siinaayo arday kasta oo degmada ka diiwana gashan. 
 

Muxuu METCO hadda u adeegsanayaa bakhtiyaa-nasiibka?

Markii METCO la abuuray sanadkii 1966, ma jirin kumbuyuutarro shaqsiyadeed, internet, ama taleefanno casri ah. Illaa iyo hadda, inta badan nidaamka codsigu wuxuu ku qornaa warqad qoysaskuna waxay u diiwaangalin jireeen dhallaankooda cusub si shaqsi ahaaneed waxayna sannado sugi jireen liiska sugitaanka kumanaan arday. 

Hada, nidaamka bakhtiyaa-nasiibku wuxuu xaqiijinayaa inay fursado siman helaan qoysaska ka tirsan bulshooyin balaaran, ayna ku jiraan kuwa dhawaan soo dagay Boston. Markay dhamaato mudada codsigu, arday kasta oo barnaamijka u qalma, lana xaqiijiyay wuxuu helayaa fursad la mid ah kuwa kale oo ah kuwa loo gudbiyo degmo iskaashi laleh METCO ayadoo la adeegsanaayo bakhtiyaa-nasiib qori tuur ah.

Ardaydu ma doortaan magaalada ama baladka ay dugsi ka dhigan karaan?

Waalidiintu waxay buuxin karaan ilaa saddex dagmo dugsiyeedka codsiga METCO.

METCO ma yahay barnaamij lagu kala saaro dadka dakhliga ay haystaan?

Maya. Nidaamka Codsiga, gudbinta iyo meelayntu wax xog ah kaama waydiinaayo dakhliga aad haysato. 
 

Cunugaygu wuxuu qabaa baahiyaha gaarka ah ee waxbarashada. Wali ma codsan karnaa METCO?

Haa. Dhammaan ardayda jira ugu yaraan 5 sano jirka ah (marka la gaaro Agoosto 31) oo galaaya fasalada K2 ilaa 10 kuwaas oo ku nool Boston ayaa u qalma inay codsadaan barnaamijka METCO. 
 

Goorma ayuu qoyskeenu ogaadaa haddii cunugeena lagu daro dugsi?

Degmooyinka iskaashiga laleh METCO waxay bixiyaan fursadaha boos siinta ardayda laga bilaabo Janaayo ilaa Oktoobar. Ardayda ayaa heli kara fursadaha boos siinta ee METCO kadib marka sanad dugsiyeedku biloowdo. Maadaama ay taasi jirto, Boston School Finder waxay ku borinaysaa qoys kasta oo codsanaaya METCO inuu sidoo kale iska qoro uuna codsado dookhyada kale ee dugsiyada ku yaala Boston. Aaladeena Diiwaangelinta Dugsiga ayaa ka caawin karta inaad biloowdo fiirfiirinta dookhyadaada dugsiyada Boston.  

Qasab miyay igu tahay inaan dhiibo garashka gaadiidka dugsigayga METCO katirsan?

Maya. Degmooyinka iskaashiga laleh METCO ayaa bixiya basas arayda gaysa dugsiyadooda ayadoo ardayda lagasoo qaado goobo kooban oo basku istaagaayo gudaha Boston, ayadoo goobaha ugu muhiimsan ku yaallaan xaafadaha Dorchester, Mattapan, iyo Roxbury. Qoysaska ayaa masuul ka ah gaadiidka carruurta gaynaaya kana soo qaadaay goobahaas basaska dugsigu istaagayaan.
 

Qoyskaygu wuxuu codsaday sanadkii lasoo dhaafay iyo/ama cunugayga waxaa lagu daray liiska dadka booska ka sugaaya METCO. Ma qasab baa inaan sanadkaan codsano?

Haa. Waa qasab inaad codsato bakhtiyaa-nasiibka METCO sanad kasta haddii aadan boos ka helin dugsi iskaashi laleh METCO sanadkii hore.

Wixii jawaabo dheeri ah oo la xariira Su'aalaha Inta badan la Isweydiiyo ee ku saabsan METCO, fadlan booqo webseetka METCO.