Su'aalaha Badanaa La Is Weydiiyo

Hadafka Barta Boston School Finder waa in laga taageero qoysaska siday kudooran lahaayeen dugsi kuhaboon caruurtooda iyo qoysaskooda. Waxaan soo aruurinaa aana wadaagnaa macluumaad lafahmi karo, oo bulshada oo dhan furan kaasoo kusaabsan dugsiyada Boston Public Schools (BPS), charter public schools, iyo parochial schools. Macluumaadkaan waxaa loosoo bandhigaa qaab ay fududahay in lafahmo.

Maya, barta Boston School Finder wax qiimayn ah kuma samayso dugsiyada. Barta Boston School Finder waxay si fudud uqaadataa macluumaadka shaacsan ee laheli karo, kaasoo horay ugu kala jiray baro kaladuwa ama ururo, kadibna waxay macluumaadkaas iskugu gaysaa hal meel si markaas ay ufududaato in lahelo lana adeegsado. Waxaan bixinaa macluumaadka bulshada ufuran oo saxda ah ee dhamaan qaybaha dugsiyada si markaas qoys kasta go'aan uga gaaro nooca dugsi ee ugu haboon cunugooda.

Haa! Barteenu waxay kuqoran tahay luuqadaha Ingiriiska, Carabiga, Haitian Creole, Chinese, Portugues, Af-Soomaali, Isbaanish, iyo Vietnamese. Waxaad kadooran kartaa dookha luuqada aad rabto qaybta kore ee shaashada.

Boston School Finder waxaad kahelaysaa barta Facebook (@BostonSchoolFinder), Twitter (@BosSchoolFind) iyo Instagram (@BostonSchoolFinder). Nalasoco si aad uhesho macluumaadka ugu danbeeya!

Waxaad isku diiwaan gelin kartaa warsidaheena adigoo soo gudbinaya foomkan.

Waraaqdeena wararku waxay siisaa waalidiinta, qoysaska iyo iskaashatada bulshada macluumaad si ay ufahmaan hanaanka diiwaangalinta ee dugsiga, ayna kujiraan tilmaamaha diiwaangalinta dugsiga iyo ilahiisa macluumaadka, taariikhaha soosocda ee dulmarka dugsiga, xiliyada kama danbaysta ah ee hawlaha dugsiga iyo munaasabadaha, wararka waxbarashada ee maxaliga ah, iyo arimo kale oo badan. Marna cid kale lama wadaagayno ama kama iibinayno macluumaadkaaga. 

Iyadoo ku xiran xilliga, warsidahayagu wuxuu soo baxaa inta u dhaxaysa hal mar toddobaadkii iyo bishiiba hal mar.

Waxaad ka helaysaa macluumaad ku saabsan gaadiidka ardayda dhigata dugsiyada dadweynaha ee Boston Public Schools (BPS) halkaan.

Dugsiyada kale (charter, gaarka looleeyahay) ayaa lahaan kara dookhyo kale oo dhanka gaadiidka ah. Kafiiri dugsiyada gaarka ah wixii macluumaad dheeri ah.

Guusha Dhammaan (EFA) waa hindisaha Dugsiyada Dadweynaha ee Boston (BPS) oo ballaarinaya helitaanka kobciinaayana khibradaha adag ee waxbarasho heerka qarniga 21aad ah. Ardayda ka qayb Barnaamijka STEM ah (koodhka, robotics, iyo koorsooyinka Daabacaadda D 3), Barnaamijka Culimada (imtixaanka u diyaargarow dugsiga iyo taageero shaqo fulinta), iyo koorsooyinka Luuqadaha Adduunka (Isbaanish, Mandarin, iyo Faransiis). Ardayda dhigata fasalada 4-6 sidoo kale buuxiya Mashruuca EFA Capstone, halkaas oo ay ku baaraan kuna soo jeediyaan xal u helida arrimaha caalamka iyo bulshadaba. Dhammaadka sanad dugsiyeedka kasta, EFA waxay martigelisaa Shirweynaha EFA Capstone, halkaas oo ardaydu ay kusoo bandhigaan facooda, macalimiinta, iyo iskaashatada bulshada.

Waxaad ka heli kartaa macluumaad dheeraad ah oo ku saabsan EFA halkaan.

Boston Public Schools (BPS) waxaa kumidaysan dugsiyada dawlada ee degmada kuna yaala magaalada Boston. Kudhawaad 115 ee katirsan dugsiyada Boston Public Schools waxaa hogaamiya Kormeeraha guud ee Laura Perille iyo Gudigga Dugsiga Boston (kuwaasoo xubnahooda uu magacaabo duqa magaaladu). Boggayaga ilaha ayaad ka heli kartaa macluumaad dheeraad ah oo ku saabsan diiwaangalinta ilmahaaga ee ku jira BPS.

Boston Public Schools (BPS) waxay leeyihiin saddex dugsi imtixaan kuwaasoo ay dhigtaan ardayda fasalada 7aad ilaa 12aad: Boston Latin School (BLS), Boston Latin Academy (BLA), iyo the John D. O'Bryant (O’Bryant) School. Ardayda hadda dhigta fasalada 6, 8 ama 9 codsan karaan waxaana lagu qorayaa iyadoo la tixraacaayo aqoonta waxbarasho, oo ay ku jiraan fasalada iyo waxqabadka Imtixaanka Kobaca MAP. 

Wixii faahfaahin dheeraad ah oo ku saabsan dugsiyada imtixaanka ee BPS waxaad ka helaysaa bogga Imtixaanka Dugsiyada ama adoo booqanaya bogga dugsiyada Imtixaanaadka BPS.

Dugsiyada Charter waa dugsiyo dadweyne oo aanay maamulin BPS. Kuna kuyaala daafaha magaalada, dugsiyada charter ka waxaa dhigta kudhawaad 11.000 oo arday oo dhamaan fasalada ah, waana lacag laáan, waxayna ardayda kuqortaan hanaan bakhtiyaa nasiib ah. Inaad kaqaybgasho hanaanka bakhtiyaa nasiibka macnaheedu maaha inay qasab tahay inaad doorato dugsigaas haddii laguu ogolaado in lagaa qoro - waxay caadiyan kunoqonaysaa dookh kale ood aqbali karto ama diidi karto. 

Dugsiyada Boston ee charter ka ah ayaa kuu sahlaaya inaad kaqaybgasho hanaanka bakhtiyaa nasiibka ee dhamaan dugsiyada (marka laga reebo Bridge Boston) adoo adeegsanaaya hal nidaam. Waxaad abuuran kartaa ciwaan aad kugasho bakhtiyaa nasiibka adoo dhagsiinaaya halkaan. 

Waxaad sidoo kale wax badan ka baran kartaa dugsiyada charter halkan.

Dugsiga parochial waa dugsi gaar ah oo ay maamusho kaniisad ama urur diimeed. Ardaydu maaha inay wadaagaan diin ama diin isku mid ah si ay u dhigtaan qaar badan oo ka mid ah dugsiyadan. Boston waxay leedahay dugsiyo badan oo nooca parochial ah kuna kala yaala daafaha magaalada, kuwaasoo intooda badan mad habka Catholic ga hoos taga. Inta badan dugsiyada parochial ka ah waxay qaadaan lacag, laakiin qaar badan ayaa taageero dhaqaale siiya qoysaska. Waxaad wax badan oo kusaabsan dugsiyada madaxa banaan iyo sida aad u codsan karto bogga khayraadka, ama adoo booqanaya webseetka Directory ee Boston Catholic Schools Directory .

Dugsi madax banaan waa dugsi gaar looleeyahay oon xariir lalalahyn urur diimeed. Boston waxaa kuyaala in kabadan 30 dugsi oo gaar looleeyahay aana shuqul kulahayn madhabta Catholic ga. Dugsiyada madaxa banaan waxay qaataan lacag, laakiin qaar badan ayaa taageero dhaqaale siiya qoysaska. Waxaad macluumaad dheeri ah oo kusaabsan dugsiyada madaxa banaan iyo sidaad ucodsanayso kafiirin kartaa bogeena ilaha macluumaadka, ama adoo booqanayaa webseetka American Independent Schools of New England (AISNE).

METCO (guddiga dhexe ee Fursadaha Waxbarashada ) waa barnaamij soo biloowday sanadkii 1966 intii lagu jiray xiligii difaaca Xaquuqda Madaniga ah. METCO wuxuu u gudbiyaa ardayda reer Boston in ka badan 30 degmooyinka dugsiyada dadwaynaha ah oo ku yaala banaanka Boston. Diiwaangelinta barnaamijka METCO waxaa lagu sameeyaa bakhtiyaa nasiib oonleen ah. Si aad xog dheeriaad ah uga hesho barnaamijka, booqo webseedka METCO oo akhri tusmadeena Sida loo codsado METCO.

Dhamaan dugsiyada sare ee Boston Public Schools (BPS)waxay ufuran yihiin arday kasta, ayadoon laga fiirinayn dhinaca uu magaalada uga noolyahay. Qaar ka mid ah dugsiyada sare ee BPS waxay u baahan karaan codsi gaar ah ama habka imtixaanka. Waxaad ka heli kartaa wax badan oo ku saabsan dugsiyada sare ee BPS iyo codsigooda/shuruudaha imtixaanka halkan. 

Dugsiyada Charter, parochial aiyo kuwa gaarka looleeyahay ituba waxay sidoo kale ufuran yihiin dhamaa deegaanada magaalada. Codsiga Boston Charter School waxaad kaheli kartaa halkaa.

Marka qoys uu doonaayo inuu iskaqoro BPS, Barnaamijka Shaqada Layli gurigga wuxuu udhiibayaa qoys kasta liis nidaamsan ee dugsiyada si ay uga doortaan noocay rabaan, ayadoo laga fiirinaayo meesha qoysku kunoolyahay. Waxaad aadi kartaa Discover BPS si aad u hesho liiska dugsiga aad khusayso.

Si aad uhesho inta badan dookhyada, waxaa haboon in qoysasku isdiiwaangaliyaan xiliyada ugu horeeya ee macquulka ah mudada isdiiwaangaalinta BPS.

Liiska qoyska waxaa kujira dugsi kasta oo kuyaala bad gaar ah gurigga qoyska. Liiska waxaa kujira ugu yaraan labo kamid ah dugsiyada ugu buundada sareeya BPS iyo ugu yaraan afar dugsi oo kamid ah kuwa qaybta sare uga jira buundooyinka degmada.

Haddii dugsiyada ku yaala badka la rabo aysan buuxin shuruudahaan, nidaamka guriga lagu saleeyo ayaa kudaraaya dugsiyada ugu dhaw ee ugu buundada sareeya liiska qoyska.

Qoysaska ayaa kala hormarinaaya dookhyadooda dugsiga, kadibna waxaa dugsiga loogu doorayaa hanaan bakhtiyaa nasiib ah. Booqo BPS si aad wax badan uga ogaato Barnaamijka Meelaynta Guriga Ku-salaysan.

BPS pathway waa marka qoys ilmo udhigtaan dugsi hoose oo gaar ah boos looga balan qaado dugsi dhexe oo xariir laleh kaas hoose ama K-8 ah. Pathway wuxuu ardayda kacaawiyaa iyo qoysaskooda inay ogaadaan dugsiyada mustaqbalka ay kubiiri doonaan. Liiska hadda ee dugsiyada kujira pathay ga ee BPS waxaad kahelaysaa halkaan.

Massachusetts Department of Elementary and Secondary Education (DESE) ayaa masuul ka ah dhaqan galinta sharciyada iyo xeerarka dhamaan dugsiyada dawlada ee kuyaala gobalka Massachusetts. Dhaqangalintaan waxaa kujira maalgalinta, manhajka, imtixaanada dagsan, shati siinta macalimiinta iyo qiimaynada, waxbarashada gaar ah iyo airmo kale oo badan. DESE ayaa masuul ka ah aqoonsiga iyo taageerida dugsiyada tayadoodu liidato iyo degmada dugsiyada. DESE waxaa madax ka ah gudoomiye Jeff Riley iyo gudigga Waxbarashada Dugsiyada Hoose iyo Sare (kuwaasoo xubnahooda uu soo magacaabo duqa magaaladu).

Dugsiyada gaarka looleeyahay ayaa qaata lacag. Dugsiyadaan waxaa kujira kuwa diimaha iyo kuwa madaxa banaan. Inta badan dugsiyadaan ayaa sido kale baxsha caawimaad dhaqaale. Haddii aad doonayso inaad caawimaada codsato, fadlan laxariir xafiiska diiwaangalinta ee dugsi kasta.

Waxaan kula talinaa qoysaska inay codsadaan noocyo badan oo dugsiyo ah ilaa inta macquulka ah ee ay heli karaan dugsiyo kuhaboon baahiyaha qoyskooda, ayna kujiraan BPS, charter, dugsiyada diimaha iyo dugsiyada gaarka looleeyahay. Fadlan fiiri bogga “How to Choose a Schoo (Sida Dugsi Loodoorto)”  si aad macluumaad dheeri ah uhesho. Xasuusnoow: inaad dugsi codsi udirato macnaheedu maaha inay qasab tahay inaad dugsigaas dhigato haddii lagaa aqbalo - waxay kaliya kuubadinaysaa dookhyada aad cunugaaga uhelayso si aad u aqbasho ama udiido.

Boston malaha hal nidaam oo isdiiwaangalinta ah oo ay kumidaysan yihiin dhamaan dookhyadeeda dugsiyada, sidaas awgeed waa inaad iskaqortaa noockasta oo dugsi ah adoo raacaaya nidaamkooda ugaarka ah. Boggan waxa uu bixinayaa guudmar ku saabsan geeddi-socodka diiwaangelinta kala duwan ee BPS, charter iyo weliba dugsiyada gaarka loo leeyahay/madax-bannaan.

Nooc kasta oo gaar ah oo kamid ah dugsiyada Boston wuxuu leeyahay taariikhyo codsi iyo isqoris ugaar ah.

Bulshooyinka dugsiyadu waxay leeyihiin dhaqankooda iyo shaqsiyadooda gaarka ah. si aad sida ugu fiican ugu qiimayso in dhaqanka dugsi gaar ah uu kuhabboon yahay qoyska cunugaaga, waxba kuma jabna inaad booqasho toos ah dugsiga kutagto. Fadlan arag annaga oo booqanaya liiska baadhitaanka ee iskuulkeena si uu uga caawiyo qorshayntaada booqashada dugsiga.

Boston waxaa kuyaala dugsiyo badan oo kaladuwan kuwaasoo leh nidaam maamul oo kaladuwan. Qayb kasta oo kamid ah noocyada dugsiyadu waxay leeyihiin hanaankooda codsi ee ugaarka ah.

Fadlan eeg "Sida loo Codsado.” Haddii aad weli hayso su'aalo gaar ah, waxaan kugula talineynaa inaad si toos ah ula xiriirto dugsiga.

Dugsiyo bada ayaa baxiya caawimaad dhaqaale markay qaadayaa lacagta waxbarashada. Hase yeeshee, dugsi kasta wuxuu leeyahay xeerkiisa gaarka ah ee deeqaha dhaqaale. Fadaln isticmaal lifaaqa “Apply Now” ee kuyaala bogga dugsi kasta si aad wax badan uga ogaato dookhyadooda caawimaada dhaqaale, si toos ah ubooqo webseetkooda, ama wac xafiiska diiwaangalinta ee dugsiga si ay taageero kuusiiyaan. Macluumaadka dugsiga lagala xariiraayo waxaa laga heli karaa bogga dugsi kasta kuleeyahay barta Boston School Finder.

Waxaa jiro ilo bada oo aad kaheli karto caawimaad si aad udoorato dugsiga cuugaagu dhigan lahaa. Liiskaan booqashada dugsiga ayaa kusiinaaya waxyaabo aad hawshaas kubilaabi karto.

Nidaam kasta oo isla xisaabtan wuxuu cabiraa dadaalka aqooneed ee heer degmo iyo heer dugsi. Waxay dugsiyada kacaawisaa inay kor uqaadaan dadaalka dhamaan ardayda, waxayna kacaawisaa bulshooyinka iyo gobalkaba inay go'aan kagaaraan qoondaynta ilaha dhaqaale. Natiijooyinka isla xisaabtan kayaa kajawaaba labo su'aalood: Waa sidee xaalka dugsigu? Waa maxay nooca taageero ee dugsigu ubaahanyahay?

The Massachusetts Department of Elementary & Secondary Education (DESE, Waaxda Dugsiyada Hoose iyo Kuwa Sare ee Massachusetts) ayaa macluumaad ka aruurisa dugsiyada sanad kasta si kor loogu qaado waxbarida iyo waxbarashada, iyo sidoo kale in laxaqiijiyo in dugsiyadu buuxinayaan heerarka uu gobalku ucayimay. Macluumaadka ayaa faahfaahin kabixinaaya hanaanka isla xisaabtanka, wuxuuna sharaxaad kabixinayaa heerka ay dhantahay dadaalka waxbarasho ee dugsiyadu - sidee ayuu dugsi wax ubarayaa ardaydiisa ayadoo laraacaayo cabirada uu udajiyay gobalku. Macluumaadkaan waxay si guud ugu furantahay qofkasta oo doonaaya inuu arko, laakiin caadiyan waa kuwo ay adagtahay in lahelo kadibna lafahmo.

Barta Boston School Finder ayaa soogalisa macluumaadka qaar bogageena dugsiga - adeegso barteena baarista si aad uraadiso dugsiyada Boston.

Waxaad macluumaad dheeraad ah kahelaysaa hanaankeena isla xisaabtanka adoo booqanayaa Barta Islaxisaabtanka ee DESE.

Waxaa jiro waxyaabo bada oo lagu cabiro tayada dugsiga, waxaana jiro qaabab kadan oo kaladuwan oo qoysasku muhiimad usaaraan waxa muhiimka u ah markay dugsi udoorayaa caruurtooda. Liiskeena booqashada dugsiyada ayaa kaacaawin kara inaad muhiimada siiso waxa muhiimka u ah cuugaaga iyo qoyskaaga, iyo waxa aad dugsiga kudooranayso.

Caddeynta xeerka daganaanshaha ma quseeyo ardayda iyo qoysaska guri la'aanta ah. La xariir Shabakada Ilaha Waxbarshada Hoy la'aanta ee BPS (617-635-8037) ama booqo Xarunta Soo dhaweynta si lagaaga caawiyo diiwaangelinta ilmahaaga. Haddii aad ku nooshahay hoyga badbaadinta, keen warqad ka timid shaqaalaha hoyga badbaadinta oo sheegaysa inaad halkaas ku nooshahay. Wixii macluumaad dheeraad ah, fadlan booqo Webseetka Xeerka Deganaanshaha ee BPS.

Canug walbo oo qoyskiisu ku nool yihiin Caaasimada Boston waa hubaal inuu geli karo waxbarashada bulshada bilaashka ah ee Dugsiyada Bulshada Boston. Ma jiraan qoys loo diidayo gelitaanka dugsiga sababtoo ah heerkooda socdaalka. Qoysaska muhaajiriinta ah oo aan haysan sharciyada lana nool saaxibadood ama qaraabadooda waxaa loo tixgelin karaa “guri la'aan." Wixii macluumaad dheeraad ah, fadlan booqo Webseetka Xeerka Deganaanshaha ee BPS.

Barnaamijka Re-Engagement Center (REC, Xarunta Dib uhawlgalinta) ayaa ah barnaamijka kaliye ee Boston Public Schools kaasoo si gaar ah utaageera dadka aan wali dhamayn shahaadada dugsiga sare. Iskaashi udhaxeeya BPS iyo PIC, REC wuxuu siinayaa hal meel oo dhexe oo kutaala bii'o daryeel leh si ardaydu uhelaan macluumaadka iyo talosiinta ay rabaan si ay dugsi iskaga qoraan unasii wataan waxbarashadooda qalin jabinta.

GED/ HISET    

Haddii aad doonayso inaad gasho imtixaanka GED/HISET si aad uhesho shaahado udhiganta tan dugsiga sare, waxaad macluumaadyada kahelaysaa liifaaqyada hoose:

• Isbarbardhiga HiSET/GED

• XaruntaImtixaanka HISET (Goobta BPS)

• Xarumaha Imtixaanka HSE ee Rasmiga ah eeMassachusetts

• Hoygaloogu talagalay imtixaan qaadayaasha naafada ah ama baahiyaha caafimaadka la xiriira

Phoenix Charter Academy ayaa sidoo kale maamula sadex dugsi oo kuwa sare ah kuna yaala daafaha gobalka Massachusetts, kuwaasoo loogu talagalay ardayda doonaaya inay dhamaystaan waxbarashada dugsiga sare ee kakala go'day. Dugsiga ugu dhaw Boston wuxuu kuyaalaa Chelsea.

Haddii cunugaagu leeyahay IEP, aadna dugsiga galayso markaagii koobaad, waxaad haystaa dhawr dookh. Haddii aad doonayso inaad cunugaaga kaqorto Boston Public Schools (BPS), koox ayaa laguu xilsaarayaa si ay kaaga caawiyaan gaynta cunugaaga dugsi, si waafaqsan baahiyihiisa IEP da. 

Haddii aad doonayso inaad wax kabarato dugsiyada charter ka ah, waa inaad lahadashaa dugsiyada gaarka ah si aad ugala hadasho sida ay u awoodaan bixinta adeegyada IEP da. 

Wixii macluumaad dheeri ah iyo tilmaamo, booqo stusmadeena macluum gaarka ah. 

Dhamaan dugsiyada dawlada waxaa laga doonayaa inay siiyaan ardayda waxbarasho ayadoon laga fiirin luuqada ay kuhadlaan. Haddii aadan ku hadlin Ingiriis, ilmahaagu wuxuu u baahanyahay qiimayn si uu u fahmo baahiyahooda kahor inta aan dugsiga loo xilsaarin. Haddii loo baahdo, waxaa lagalinayaa cunuga barnaamij taageeraaya luuqadiisa iyo baahiyihiisa waxbarashada. Tixraac agabyadeena ELL (Bartayaasha Luuqadda Ingiriisiga) si aad wax badan u barato.