Sida layskaga qoro durbadiiba Boston Public Schools

 

• Si aad ugu soo dejisato macluumaadkaan oo ku qoran afkaaga hooyo, isticmaal baraawsarkaaga si aad ugu daabacdo boggan.
• Booqo Xogteena Buuxda ee Qalabka Diiwaangelinta Dugsiga e Qoysaska  

Boston Public Schools waxay bixisaa diiwan hordhac ah inta lagu gudo jiro Diseembar kahor inta aysan bilaaban diiwaanka mudnaanta ee Janaayo. Nidaamka diiwaangelinta hordhaca ah waxa uu kuu ogolaanayaa inaad dhameystirtid inta badan warqada oonleenka diiwaankaaga ee BPS, sida buuxinta warbixinta canugaaga iyo darajeynta dugsiyadaada. 
 

Goorma ayaan canugeyga (carruurteyda) ka diiwaangelin karaa diiwaanka hordhaca ah ee BPS?

Is diiwaangalinta hordhaca ah ee BPS waxay sida caadiga ah dhacdaa Diisambar.
 

Sidee ayaan u sameyn karaa diiwaangelinta hordhac ah ee onleenka?

1. Aruurso dukumiintiyadaada daganaanshaha ee lagaa doonaayo.

Dhammaan Xarumaha soo dhawaynta ee BPS ayaa si ku meel gaar ah ugu xiran dadwaynaha sabab la xariirta aafada cudurka. Hase yeeshee, waxaad awoodi doontaa inaad soo geliso dukumiintiga lagaa rabo ee caddaynta meesha aad dagan tahay oonleen ahaan adoo adeegsanaaya hanaankaan diiwaan gelinta hore.

Soo geli barta DHAMMAAN, dukumiintigaan:

• Shahaadada rasmiga ah ee cunuga, foomka I-94, ama baasaboor; iyo
• Diiwaanka tallaalka taariikhda oo illaa iyo hadda ah; iyo
• Sawirka aqoonsiga Waalidka/Masuulka.
   

Soo geli barta LABO kamid ah dukumiintiyadaan. Ogoow: dukumiintiyadu ma noqon karaan kuwo quseeya hal qodob oo ku jira liiska hoose:

• Biilka qarashaadka (ma ahan biyo ama mobeelka) oo taariikhdiisu tahay 60 maalmood ee la soo dhaafay
• Heshiiska guriga hadeer, qeybta 8 heshiiska, ama is afgaradka dagayaasha BPS
• Lacag bixinta hantida ama deynta guriga oo taariikhdeedu tahay 60 maalmood ee la soo dhaafay, ama biilka canshuuraha dhismaha oo lagu taariikheeyay gudaha sannadka la soo dhaafay
• Bayaanka kaarka bangiga ama kaarka deynta oo taariikhdiisu tahay 60 maalin ee la soo dhaafay
• Foomka W2 oo taariikhdiisu tahay sannadka, ama rasiidka joornaatiga oo lagu taariiqeeyay gudaha 60 maalin
• Warqad ka timid hay'ada dowlada la ansixiyay oo taariikhdiisu tahay 60 maalmood gudahood
   

2. Tag DiscoverBPS onlayn .

Hoos ugu dheji qaybta hoose ee website-ka oo guji lifaaqa sheegaya Bilow "Geeddi socodka diiwaangelinta hore ." Waxa lagu geyn doonaa Xariirka Tooska ah ee Nidaamka Macluumaadka Ardayga ee DDB.
 

3. Sameyso akoonkaaga oonleenka.

Bogga xiggo, raac ciwaanka dhahayo: "Ma u baahantahay diiwaanka hordhaca ah ee BPS? Riix halkaan oo dooro iqtiyaarka 1aad." Raac tilmaamaha lagu sameysanaayo akoonka oonleenka.  

4. Gal Barta Nidaamka Xogta Ardayga ee BPS, oo sidoo kale loo yaqaano "SIS" ama "Aspen."

Markii aad gashid, dhameystir foomkaaga diiwaangelinta hore ee oonleenka. Geli warbixintaada sida waalidka/daryeelaha sidoo kale sida warbixinta canugaaga (carruurtaada). Waxaan liis kala sarayn u samayn doonaa dugsiyadaada waxaadna sidoo kale awood u lahaan doontaa inaad soo geliso dukumiintiga caddaynta meesha aad dagan tahay xiligaan.

Tilmaamaha faahfaahsan ee sida oonleen ahaan xili hore la isku sii diiwaan geliyo ayaa laga heli karaa halkaan ayadoo Ingiriis ah. 
 

4. Balan qabso si aad shakhsi ahaan u bookhato Xarunta Soo dhaweynta AMA balan fogaan arag ah si aad isdiiwaangalinta u dhammaystirato adiga oo isticmaalaya teleefoonka.

Xataa inkasta oo aad horay isu diiwaan galisay, wali waxaa waajib kugu ah in aad dhammaystirto is diiwaangalinta adiga oo la hadlaya khabiir dhanka diiwaangalinta ah oo ku sugan Xarunta Soo dhaweynta si aad u buuxiso isdiiwaangalintaada dugsiga. Ku qabso balataada qaab fogaan arag ah adiga oo teleefoonka adeegsanaya ama si shakhsi ah balan uga qabsanaya Xarunta Soo dhaweynta halkaan si onleen ah. Markaad wicitaankaaga ku balansato oonleenka, waxaad awood u leedahay inaad balan ku codsato luuqadaada hooyo haddaad u baahan tahay. 

Haddii aad qabto wax su'aalo ah, fadlan la xariir Adeegyada Soo dhawaynta ee BPS ood ka wacayso 617-635-9010.