Kijan pou w enskri alavans pou Lekòl Piblik Boston (BPS) yo

 

• Pou telechaje enfòmasyon sa yo nan lang natif natal ou, itilize navigatè ou a pou enprime paj sa a.
• Gade Zouti Enskripsyon Lekòl pou Fanmi ki konplè nou an.
   

Lekòl Piblik Boston yo ofri pre-enskripsyon nan mwa desanm anvan enskripsyon priyoritè a kòmanse nan mwa janvye. Pwosesis pre-enskripsyon an pèmèt ou ranpli pifò fòmalite enskripsyon BPS ou yo sou entènèt, tankou ranpli enfòmasyon sou pitit ou a ak klase lekòl ou yo. 
 

Kilè mwen ka fè pre-enskripsyon timoun mwen an(yo) pou BPS?

An jeneral, enskripsyon BPS alavans lan kòmanse nan mwa desanm.
 

Kijan pou mwen fè pre-enskripsyon sou entènèt?

1. Rasanble dokiman yo mande yo kòm prèv rezidans.

Tout Sant Dakèy BPS yo fèmen tanporèman pou piblik la akòz pandemi an. Sepandan, w ap kapab telechaje dokiman verifikasyon rezidans yo mande ou yo sou entènèt nan pwosesis pre-enskripsyon sa a.

Telechaje TOUT dokiman sa yo:

• Ak nesans orijinal timoun nan, fòmilè I-94, oswa paspò; EPI
• Dosye vaksinasyon ajou timoun lan; ak
• Pyès idantite paran/responsab la ki gen foto.
   

Telechaje DE nan dokiman sa yo: Remak: dokiman yo pa ka sòti nan menm liy nan lis ki pi ba a:

• Bòdwo sèvis piblik (pa ka dlo oswa telefòn selilè) ki gen dat nan dènye 60 jou yo
• Kontra lwaye aktyèl, akò seksyon 8 oswa Afidavit Rezidans BPS
• Papye pwopriyete, peman ipotèk ki gen dat nan entèval dènye 60 jou yo oswa bòdwo taks pwopriyete nan ane pase
• Deklarasyon bankè oswa kat kredi ki gen dat nan entèval dènye 60 jou yo
• Fòm W2 ki gen dat nan entèval ane pase a oswa fich peman ki gen dat nan entèval 60 jou pase yo.
• Lèt ki soti nan ajans gouvènman apwouve ki gen dat nan entèval 60 jou
   

2. Ale sou DiscoverBPS sou Entènèt.

Desann nan pati anba a nan sit entènèt la, epi klike sou lyen ki di "Kòmanse Pwosesis Pre-enskripsyon an." Y ap mennen w nan Portay sou Entènèt BPS Student Information System nan.
 

3. Kreye kont sou entènèt ou.

Nan paj ki vin apre a, suiv lyen ki di: "Ou bezwen pre-enskri pou BPS? Klike la epi chwazi 1ye opsyon an." Suiv enstriksyon yo pou kreye yon kont sou entènèt.
 

4. Konekte sou Pòtay Sistèm Enfòmasyon sou Elèv BPS la , yo rele li tou "SIS" oswa "Aspen."

Lè ou fin konekte, ranpli fòmilè pre-enskripsyon ou an sou entènèt. Antre enfòmasyon ou kòm paran/moun k ap okipe timoun nan ansanm ak enfòmasyon sou pitit ou a(yo). W ap klase lekòl ou yo epitou w ap gen posibilite telechaje dokiman verifikasyon rezidans ou nan moman sa a.

Ou kapab jwenn enstriksyon detaye sou kijan pou w pre-enskri sou entènèt isit la nan lang angle. 
 

4. Pran yon randevou pou vizite yon Sant Akèy an pèsòn OSWA a distans pou finalize enskripsyon an nan telefòn.

Menmsi w te enskri w alavans, ou dwe tèmine enskripsyon w kanmenm. Pou sa ka fèt, ou dwe pale ak yon espesyalis enskripsyon ki nan Sant Akèy la. Rezève randevou w a distans nan telefòn oswa pran yon randevou an pèsòn nan yon Sant Akèy isit, sou Entènèt. Lè w ap rezève yon randevou telefònik sou Entènèt, ou gen posiblite mande randevou a nan lang natif natal ou, si sa nesesè. 

Si ou gen kesyon, tanpri kontakte Sèvis Dakèy BPS yo nan 617-635-9010.